على باب الله، فؤاد حداد

على باب الله، لفؤاد حداد.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

القصيدة

فنان فقير على باب الله

الجيب ما فيهشي ولا سحتوت

والعمر فايت بيقول آه

والقطر فايت بيقول توت

صحيتني ليه يا شاويش يا شاويش

أنا كنت سارح في الملكوت

لما بنام بحلم وباعيش

لما بفوق ما بفوقشي بموت

وتقول على كبير السن

وانا في قلبي ولد كتكوت

وتشوفني ببكي وبانعي وائن

والدنيا لسه بنت بنوت

اشمعنى قلبي ضناه الشيب

من الشقا مهري ومنكوت

قال اللي قال العيب في الجيب

والجيب ما فيهشي ولا سحتوت

والعمر فايت بيقول آه

والقطر فايت بيقول توت

علي المحطة يا ولداه

حتى المحطة كمان حتفوت

المصادر

• الموسوعة العالمية للشعر العربي