أنا المغني، فؤاد حداد

أنا المغني، لفؤاد حداد.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

القصيدة

ليه كل ما نقول آه

الناس تقول الله

أنا المُغني

ضلوعي زي الشجر

بتفرش الظله

وبتبني سقف البيت

لما الحيطان تعلي

وروح يا ليل بالسلامه

وهات يا ليل ابتسامه

من الجميل الغايب

هو الحبيب في الحبايب

هو اللي يعرف ياليل

ليه كل ما نقول آه

الناس تقول الله

أعمل ضلوعي شجر

علشان ترد اللي غاب

وترد قلبه شباب

أعملها سقف وباب

واعملها مركب

وأفضل ألف البحار

واغني فجر ومغرب

واغني ليل ونهار

لحد ما تستعجب

ليه كل ما نقول آه

الناس تقول الله

كان فيه شجر موعود

يصبح كمنجة وعود

تسمع في حسه الودود

ضي النسيم ع الغصن بيتمرجح

ويلاغي ظل الشجر

وسقف بيت في القمر

وجيران تطل وتفرح

وباب يفتح

لكل غايب يعود

ليه كل ما نقول آه

الناس تقول الله

المصادر

• الموسوعة العالمية للشعر العربي