يا بو العيون افتينا يا حبر المسلمين
الناس يا اللى فى ستانلى صايمين ولا فاطرين
جدعان وصبايا عرايا وغطاهم ورق التين
وقزازة ويسكي وجوزه مركونه في الكابين
ولا تعرف مرعى ويحيى من عزرا وبنيامين
ولا تعرف عيشه وفاطمه من دميانه وجاكلين
والعين بيقولوا بتزني افتينا في حكم العين
سيدي جابر قال دول كفره ولا هماش مسلمين
سيدي بشر يقول له اتبحبح وبلاش تشديد في الدين
الناس اهي عندي عرايا بملابس محتشمين
وترد تقول كلوباطره جرى ايه يا مدهولين
دي أشعة شمس يوميه من قال بتفطر مين
وعلينا اذا اتعرينا شماسينا مفرودين
والمولى تعالى خلقنا من يومنا عريانين
افتينا يا حبر الامة وانت من المأجورين