دولة الإخوانجية، بيرم التونسي

دولة الإخوانجية، من قصائد بيرم التونسي.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

القصيدة

كفاية يا مصر لو يبقى الهضيبي

 

وأعوانه على عرش الامارة

وسيد قطب يعطوه المعارف

 

وسيد فرغلي ياخد التجارة

وعودة يعودوه ضرب المدافع

 

وسي عبد الحكيم عابدين سفارة

وسي عبد العزيز أحمد يسوقها

 

ويتولى المواصلات بالاشارة

وكل جهاز تتعين عيله

 

عمد في كل قريه وحارة

محافظ مصر خريج الدباغة

 

وتحته وكيل خريج النجارة

ويقني الكمساري أكبرها عزبة

 

ويقني السمكري أضخم عمارة

وتخلص مصر من عيلة الدخاخني

 

الى عيلة الخواتكي أو شرارة

ويومها تحلق الاخوان دقونها

 

ويترص الحشيش ملو السيجارة

ووحياتك لا أيد اللص تقطع

 

ولا تبطل مواخير الدعارة

ويبقى الشعب هواه في الفلافل

 

وطرشي الحاج سيد والبصارة