حاسس بامان
حاسس بامان
انسان جعان عريان سقعان
حاسس بامان ازاى يا جبان
ازاى تنتج وانت فى حرمان
ازاى ترسم.. وفين الالوان
جعان مش لاقى اللى يكفيك
والفول عندك زى البقتيك
ان شفت اللحمة تزوغ عينيك
وتقولى امان.. ازاى يا جبان
سقعان مش لاقى اللى يدفيك
والسقعة يا عينى تتكت فيك
ان غطيت راسك تسقع رجليك
وتقولى امان... ازاى يا جبان
عريان مش لاقى اللى يغطيك
ان جبت الهدمة كتيرة عليك
ويا ريتها يا عم دى بتكفيك
وتقولى امان... ازاى يا جبان
حاسس بامان .. ازاى يا جبان
نشرتها جريدة شباب مصر والوعى المصرى وهستيريا الادبية ومصريون بلاحدود الامريكيةفى طبعتها العربية