اعلان وظيفة
اعلان وظيفة
عايزين موظف
مكتوب مطلوب موظف
فى شركة غسالات
وشروطه سجل ناصع
ومفهش مخالفات
ويعدى الان وفورا
على قسم التعيينات
وفاجئنى عم عقده
بحجات ومحتاجات
يابنى عايزين موظف
يكون بمميزات
خبره ثلاثون عاما
متعود ع الشتات
الصيف هيكون ف لقصر
والسقعة فابو تلات
خريج كلية برة
وفى اللغات ثبات
ودا جزء مميزات
والجزء التانى يابنى
اسهل م الاولانى
الطول مترين وحبة
علشان مؤهل عالى
مولود فى شهر خمسة
ويكون ف نصه التانى
ولية اخوات تلاتة
بنتين واخوه شحاته
وجوز اخت يكون محامى
مولود فابو اتاتة
ودا جزء مميزات
واخر جزء يابنى
دا مش مهم اقولة
لان الجزء دوا
فى ناس كتير يجوله
الاب يكون موظف
فى وزارة الخزانة
وعيونه عسلى واصلع
واسمه سعيد جزانة
ضمن اصدارات دار بن لقمان للدراسات والبحوث ونشرتها جريدة شرق وغرب الامريكية فى طبعتها العربية