عرض مصدر أحمد فؤاد نجم - نفسى فى صنف حشيش

'''[[ma:أحمد فؤاد نجم|أحمد فؤاد نجم]]''' (و. [[1929]]) أحد أهم شعراء العامية في مصر وأحد ثوار الكلمة و اسم بارز في الفن و الشعر العربي الملتزم بقضايا الشعب و الجماهير الكادحة ضد الطبقات الحاكمة الفاسدة  و يلقب باسم [[الفاجومي]] ، وبسبب ذلك سجن ثمانية عشر عاما . يترافق اسم احمد فؤاد نجم مع ملحن و مغن ملتزم أيضا يدعى [[الشيخ إمام]] ، حيث تتلازم أشعار نجم مع غناء إمام لتعبر عن روح الاحتجاج الجماهيري الذي بدأ بعد [[نكسة حزيران]] [[1967]].

نفسى فى صنف حشيش<br>
ينمل الدماغ وينضف النخاشيش<br>
علشان انسى طابور العيش<br>
واخش فى الغيبوبه<br>
وانسى مشكلة الانبوبه<br>
وانسى بلدنا المنهوبه<br>
وانسى اللى بيجهزوه علشان يبقى رئيس للمخروبه<br>
وابقى مسطول وانسى اى مسئول<br>
من اللى سابوا الناس فى السيول<br>
وانسى ان نظيف اتجوز وبقى بيعول<br>
وانسى مجلس الشعب وفتحى سرور<br>
وانسى البرادعى وايمن نور<br>
وانسى شوبير ومرتضى منصور<br>
وانسى تعديل الدستور<br>
وانسى اللى ساكنين فى القبور<br>
وانسى انفلونزا الطيور<br>
وانسى مشاريعنا الفاشله فى توشكى وابو طرطور<br>

واخش فى الاستهبال وانسى علاء وجمال<br>
وانسى التوريث و النيل اللى نازلين فيه تلويث<br>
وانسى ان منتخبنا كويس زى ماقال الريس<br>
وانسى تصدير الغاز واحناعندنا ازمة بوتاجاز<br>
وانسى قطر العياط وانسى قطر الصعيد<br>
وانسى احمد عز واحتكار الحديد<br>
وانسى زحمة المواصلات وانسى الانتخابات<br>
وانسى فتاوى الفضائيات وانسى العشوائيات<br>
وانسى فشل التعليم وانسى هشام طلعت وسوزان تميم<br>
وانسى الاهرام وانسى الاخبار وانسى ثروة الريس ال40 مليار<br>
اللى مش بالجنيه المعفن لا بالدولار<br>
وانسى انه خلى بلدنا افقر من زنزبار<br>
وانسى المعارضه وانسى الاحزاب وانسى تامر حسنى وعمر دياب<br>
وانسى مشكلة النقاب وانسى ارضاع الكبير وشرب بول البعير<br>
وانسى انفلونزا الخنازير<br>
وانسى اوربا وامريكا وانسى الصين المتقدمين عننا بسنين<br>

وانسى البيت بيتك و تامر امين وانسى ان كيلو اللحمه بقى بتمانين<br>
وانسى اننا فى الزباله غرقانين وانسى الماده سته وسبعين والماده سبعه وسبعين وانسى فريق الساجدين<br>
وانسى الزمالك والاهلى وانسى اليسا وهيفاء وهبى<br>
وانسى الفول والطعميه وازهى عصور الديموقراطيه<br>
وجامعة الدول العربيه والجماهيريه الليبيه والكفيل فى السعوديه<br>
وانسى بطرس غالى و الضريبه العقاريه<br>
وانسى الطلعه الاولى الجويه والمصالحه الفلسطينيه<br>
وانسى فتح وانسى حماس وانسى هنيه ومحمود عباس<br>
وانسى العراق وافغانستان وانسى ايران و انسى باكستان<br>
وانسى ماما سوزان وانسى الاخوان<br>
وانسى محمد ابراهيم سليمان<br>
وانسى ان حد من 0900 يطلع كسبان<br>
وانسى انى مديون<br>

وانسى كل ممثله حيزبون بتاخد فى المسلسل كام مليون<br>
وانسى ايامنا السوده واحضان طنطاوى والبابا شنوده<br>
وانسى القذافى والبشير وانسى كل ملك وكل امير اللى حاكمين من سنين من غير تغيير وعلشان اعرف ان الصنف كويس لازم ارشح نفسى وابقى الريس
 
[[تصنيف:قصائد أحمد فؤاد نجم]]