عرض مصدر أحمد فؤاد نجم - كأنك مفيش

'''[[ma:أحمد فؤاد نجم|أحمد فؤاد نجم]]''' (و. [[1929]]) أحد أهم شعراء العامية في مصر وأحد ثوار الكلمة و اسم بارز في الفن و الشعر العربي الملتزم بقضايا الشعب و الجماهير الكادحة ضد الطبقات الحاكمة الفاسدة  و يلقب باسم [[الفاجومي]] ، وبسبب ذلك سجن ثمانية عشر عاما . يترافق اسم احمد فؤاد نجم مع ملحن و مغن ملتزم أيضا يدعى [[الشيخ إمام]] ، حيث تتلازم أشعار نجم مع غناء إمام لتعبر عن روح الاحتجاج الجماهيري الذي بدأ بعد [[نكسة حزيران]] [[1967]].

برغم إن صورك فـ كل الدواير<br>
وكل المداخل وكل المحاور<br>
ومليا الشوارع على كل حيط ..<br>
مطنش علينا وعامل عبيط ..<br>
كأنك مفيش ..<br>
***
يا فرحة قلوبنا رئيسنا ظريف ..<br>
فُكهي ..<br>
إبن نكته ودمه خفيف<br>
فـ عهدك سيادتك فَرَشنا الرصيف<br>
وآخر مُنانا الغُموس والرغيف<br>
وكل أمَّا تُخنُق ندوَّر ..<br>
مفيش !!<br>
***<br>
مسيِّب علينا عصابة حبايبك<br>
فضايح وسرقة ونهب بسبايبك<br>
مابين حزب نجلك .. وهانم جلالتك<br>
وجيش الغوازي إللَّي داير يجاملك<br>
وناملك وقاملك .. وحارسك وأمنك<br>
شبعنا مهانه .. شبعنا لطيش ..!<br>
وأنت .. مفيش !!<br>
***<br>
باعونا فـ حضورك ..<br>
ببركة عِبـيدك وغالي وسرورك<br>
باعوا الأراضي .. وكل المصانع<br>
وباعوا البنوك ..<br>
وقدَّام عِنيك .. صوتنا إتـنبح ..<br>
ننادي عليك ..<br>
إلحق يا ريس : ده باعوا الحديد !!<br>
وأنت منشِّف دماغك عنيد !!<br>
.. كأنك مفيش !!<br>
***<br>
دوشتوا دماغنا ” بجمال ” طلعتك<br>
ومن يومها وإحنا عَبـيد حضرتك<br>
ما تزعلش إني مواطن أبيح<br>
ورافض كلابك فـ شعبك تطيح<br>
فسادهم يا ريِّس واضح .. صريح<br>
قوم بينا صلّح وفتَّش .. وثور<br>
ح نكتب تاريخك ياريِّس بنور<br>
مش تبقى عايش كأنـَّك مفيش !!<br>
***<br>
ورحمة أبوك .. مادام أنت قاعد<br>
عيب لمَّا عُصبة نَـوََر يسحبُوك<br>
م تُقبض عليهم .. م تقطع إيديهم<br> ..
م تعمل عليهم يا ريِّس شاويش<br>
بدل م انت ساكت وقاعد مفيش<br>
***<br>
ياريس علىّ الطلاق تعبانين !!<br>
ياريس علىّ الحرام كفرانين !!<br>
صبرنا سنين ..<br>
سيادتك مسلطن<br>
وشعبك وناسك بتاكل مسرطن<br>
وتشرب مجاري وميت سم هاري ..<br>
ومش دريانين !!<br>
ما تنهض يا ريس تلم الديابه ؟!!<br>
ده شعبك غلابه ..<br>
ومليان طيابه ..<br>
وهوَّ الشفاعة ف يوم الحساب<br>
وهما البطانة الحُثاله الكلاب<br>
ما يملاش عنيهم غير التراب<br>
وليهم ضوافر<br>
وميت ألف ناب<br>
وواقفين لشعبك ورا كل باب<br>
لإمتى ح تسكت وليه الغياب ؟<br>
ده ياما ممالك طواها التراب<br>
حياتنا ياريس تعب فوق عذاب<br>
يا ريس ” شريفك ” ماهوَّاش شريف !!<br>
” نظيفك ” يا ريس ماهوَّاش نظيف !!<br>
وحتى ” حبيبك ” ماهواش حبـيب !!<br>
وأنا غصب عني .. خلاص إستويت ..<br>
بـ غـُلبي إنحنيت ..<br>
وطلعان عنيا .. وصعبان عليا<br>
بحسبة بسيطة ومن غير خريطه ..<br>
وكونك مفيش .. لقيت متساويش<br>
ومش فارقه أعيش ..<br>
نويت أشتكيك للِّي فوقي وفوقك<br>
وأصلي الفرايض ..عسى يفـُك طُوقـك<br>
قالولي إللي يسجد عدو النظام !!<br>
حاولت أحكي حالي ..!!<br>
قالولي الحكاوي نميمة وحرام !!<br>
فكرت أكتب ..<br>
لقيتكم سيادتك منعتوا الكلام !!<br>
فقررت أحلم ..<br>
هاحلم سيادتك وأفُك اللِّجام<br>
ولو مش هيعجب سيادتك يا فندم<br>
وصِّي العساكر .. تاخُدني أمَّا انام !!<br>
***<br>
حلمت إني شعب ..!<br>
حلمت إني شعب ومصلوب بطولي<br>
على أرض سمرا<br>
ودمي بينـزف ومليان جروح<br>
وفوق صدري جمرة<br>
يميني مربّط على أرض طابا<br>
شمالي ممسمر فـ “أولاد علي”<br>
ورجلي على جزع نخلة فـ “حلايب”<br>
ومرتاح براسي على حِجْر مصر<br>
وشوفتك ياريس ..كأنك ولي ..<br>
كأنك نبي ..<br>
فـ إيدك عصاية وليك معجزات<br>

وانا فـ جنَّه خضره .. وتحتي جداول ..<br>
ومن فوقي نور .. وريحة بخور ..<br>
همست ف ودانك بآخر وصيّة :<br>
إنسى إللي فاتك ..<br>
هننسى الأسية .. !!<br>
أمانه عليك ..<br>
حُط الوطن جُوَّه نِنِّي عينيك<br>
كرامة عيالنا أمانة ف إيديك<br>
بحق إللي بينّا يا ريِّس وبـينك<br>
وحَق اليَمِين و” الكتاب ” فى يمينك<br>
بحق الشهيد .. إللي رافع جبينك<br>
وجيش إنتصارك فى يوم العبور<br>
وجيل حُر طالع .. وعدته بدور<br>
لملم عيالك .. وجمَّع فـ مالك<br>
وإسحب ” جمالك ” وسيبنا وغور<br>
[[تصنيف:قصائد أحمد فؤاد نجم]]